অসমীয়া নাম - ভাত ঘিলা
ইংৰাজী নাম - Trumpet tree
বৈজ্ঞানিক নাম - Oroxylum indicum
বিৱৰণ - ই এক প্ৰকাৰৰ বৃক্ষ জাতীয় উদ্ভিদ । ইয়াৰ উচ্চতা প্ৰায় ১৮ মিটাৰতকৈ বেছি হয় । এই গছৰ কুমলীয়া পাত আঞ্জা বনাই খাব পাৰি আৰু ইয়াৰ ফুলৰ ভিতৰত থকা কেশৰবোৰ গুচাই বাকী অংশ বিভিন্ন ধৰণে জুতি লগাই খাব পাৰি । এই ফুল ৰাতি ফুলে আৰু ৰাতিপুৱা সৰি যায় । ফুলবোৰ খাবলৈ অলপ তিতা যদিও অত্যন্ত তেলী হয় । এই গছৰ বাকলি, পাত, ফুল আৰু বীজ আদি সকলোবোৰ ঔষধি গুণসম্পন্ন ।এই গছৰ বীজ ডাঙৰ দীঘল নাও আকৃতিৰ হয় । বীজবোৰৰ ভিতৰত বগা কাগজৰ দৰে অসংখ্য বীজ থাকে । খৰালি সময়ত বীজবোৰ পকী সৰিলে সেই বগা কাগজৰ দৰে বীজবোৰ বতাহত পখিলাৰ দৰে উৰি সিঁচৰতি হৈ যায় । আৰু পুনৰ সেই বীজ বোৰৰ পৰাই পুলি ওলায় ।
ঔষধি গুণ - এই গছৰ বাকলি ভালদৰে গুচাই খুন্দি তাৰ ৰস উলিয়াই ৰাতিপুৱা খালি পেটত এগিলাছ কৰি খালে জণ্ডিচ ভাল হয় ।
এই গছৰ বাকলি ভালদৰে খুন্দি ৰ'দত শুকুৱাই পাছত চাহৰ দৰে খালে বহুমূত্ৰ ৰোগ, গেষ্ট্ৰিক কেন্সাৰ ৰোগ ভাল হয় ।
এই গছৰ বীজ মূৰ কামোৰণিৰ বাবে মহৌষধ ।
ভাত ঘিলা গছৰ পাত, আৰু ফুল শৰীৰৰ বাবে বৰ উপকাৰী ।
No comments:
Post a Comment